राजविराज, माघ १३ - राजविराजमा सोमबार साँझ शृंखलाबद्ध तीनवटा शक्तिशाली बम विस्फोट भएका छन् ।
राजविराज-१ स्थित हटियामा साँझ ६ ः २५ मा पहिलो विस्फोट भएको थियो । त्यसको ३ मिनेटपछि वडा-३ स्थित शिवशक्ति इलेक्टि्रकल्समा दोस्रो र त्यसको केहीछिनमै वडा-७ स्थित जिल्ला अदालतपछाडि तेस्रो विस्फोट भएको थियो । इलेक्टि्रकल्समा भएको सकेट वम विस्फोटको छर्रा लागेर १२ वषर्ीया पूजा दास गम्भीर घाइते भएकी छन् । टाउकामा गहिरो चोट लागेकी दासलाई उपचारका लागि सगरमाथा अञ्चल अस्पताल भर्ना गरिएको जिल्ला प्रहरीले जनाएको छ । विस्फोटबाट पसलका सिसा र सामान नष्ट भएका छन् । अन्य विस्फोटबाट क्षति नभएको प्रहरीले जनाएको छ । विस्फोटको महान मधेस जनक्रान्तिक पार्टीका नगर इन्चार्ज बताउने परबानाले जिम्मेवारी लिएका छन् ।
Posted on: 2009-01-26 21:00:35
No comments:
Post a Comment